兩公婆, 一世長流流, 如果在歡笑聲度過, 點滴生活便是以後的甜蜜印記.
半夜時, 醒左, 啱啱老婆又醒喎!
我問佢:'點呀, 有無發夢呀?'
老婆: '有呀!'
我好有興緻, 即問: '咁發左咩夢?'
老婆: '唔記得啦!'
我: '......'
老婆: '咁你又有無發夢呀?'
我: '有呀!'
老婆: '夢見咩呀?'
我: '我發夢見到劉德華!'
老婆呢個時候突然好興奮, 好自信咁問:
'個夢係咪講你同劉德華, 爭住要娶我呀? 難為你地囉......'
我話: '係呀, 你又知嘅?!'
老婆逐漸亢奮, 問: '結果係點呀?'
佢覺得無論結果如何, 自己都無得輸!
我沒好氣地答: '情況係咁既, 我同劉德華兩個人猜王帝, 協議話邊個猜輸就要娶你......好彩最後我猜贏左!'
老婆: 'HAHA! 妖!'
兩人就係咁嘻哈都倦, 瞓番!
點知臨瞓時, 我聽到老婆夢囈咁講:
'好野, 我嫁左俾劉華......'
我: '妖~~~~~~'
Search